गजल‬ - के गर्छौ नेता

संबिधान किताबमा लेखेर के गर्छौ नेता ।
बिदेशी नेताहरुलाई भेटेर के गर्छौ नेता ।।

देशको ढाँचा संघीय धरापमा बदलेर ।
मेची देखि माहाकालि बेचेर के गर्छौ नेता ।।

बन्द,हडताल उस्तै हुन्छ? देशमा फेरि पनि ।
सुर्यलाई हत्केलाले छेकेर के गर्छौ नेता ।।

रातारात यहाँ देशको सिमाना मिचिदै छ ।
पुरानो देशको नक्सा हेरेर के गर्छौ नेता l।

देशमा बिकासको मुल फुटाउन सक्दैनौं ।
युवालाई खाडी तिर पेलेर के गर्छौ नेता ।।

Raaz Timilsena
बाजुरा,कोटीला १